17 მაისიდან საუდის არაბეთის ეროვნული ავიაკომპანია flynas კვირაში 21 პირდაპირ რეისს შეასრულებს — რიადიდან, ჯედადან და დამამიდან თბილისისა და ბათუმის მიმართულებით.
რატომ არის ეს მნიშვნელოვანი
COVID-19-ის პირობებში კვირაში 21 რეისის ოპერირება საქართველოს ტურიზმის პოტენციალისადმი ნდობის გამოხატულებაა ავიაკომპანიის მხრიდან, რადგან ასეთი მოცულობის ფრენები ამავდროულად მნიშვნელოვანი ფინანსური რისკია.
კვირაში 3,500 ვიზიტორი
ქვეყნისთვის ეს შესაძლებლობაა გაძლიერდეს ტურიზმის სექტორი და კვირაში 3,500-ზე მეტ მხარჯველუნარიან ტურისტს უმასპინძლოს საუდის არაბეთიდან.
ინფორმაცია ტურიზმის ეროვნული ადმინისტრაციის მაშინდელმა ხელმძღვანელმა მარიამ ქვრივიშვილმა თავის Facebook-გვერდზე გამოაქვეყნა.
